રેલવેમાં સ્પોર્ટ્સ કોટા હેઠળ ભરતી શરૂ, ન લેખિત પરીક્ષા, ન કોઈ ઝંઝટ!

રેલવે સ્પોર્ટ્સ કોટા ભરતી 2026: 7મા પગાર પંચ મુજબ મળશે સેલરી, 30 નવેમ્બર સુધી કરી શકાશે અરજી

જો તમે સરકારી નોકરીની શોધમાં છો અને રમતમાં તમારી વિશેષ રૂચિ છે, તો રેલવેએ તમારા માટે એક શાનદાર તક લાવ્યું છે. સાઉથ ઈસ્ટર્ન રેલવે (SER) દ્વારા સ્પોર્ટ્સ કોટા અંતર્ગત વિવિધ પદો પર બમ્પર ભરતી બહાર પાડવામાં આવી છે. આ ભરતીની સૌથી ખાસ વાત એ છે કે ઉમેદવારોએ કોઈપણ પ્રકારની લેખિત પરીક્ષા (Written Exam) આપવાની રહેશે નહીં. એટલે કે વગર પરીક્ષાએ સીધા સ્પોર્ટ્સ ટ્રાયલ અને પ્રમાણપત્રના આધારે તમારી પસંદગી થઈ શકે છે.

જો તમે પણ આ ભરતીમાં સામેલ થવા માંગતા હો, તો ચાલો જાણીએ કે કોણ અરજી કરી શકે છે અને પસંદગી પ્રક્રિયા શું હશે.

કુલ જગ્યાઓ અને મહત્વની તારીખો

સાઉથ ઈસ્ટર્ન રેલવે દ્વારા સ્પોર્ટ્સ કોટા અંતર્ગત કુલ 54 જગ્યાઓ પર આ ભરતી બહાર પાડવામાં આવી છે. જેના માટે ઓનલાઈન અરજી કરવાની પ્રક્રિયા 31 ઓક્ટોબર 2026થી શરૂ થઈ રહી છે, અને ફોર્મ ભરવાની છેલ્લી તારીખ 30 નવેમ્બર 2026 નક્કી કરવામાં આવી છે. લાયક અને ઈચ્છુક ઉમેદવારો નિર્ધારિત સમયની અંદર રેલવેની અધિકૃત વેબસાઈટ પર જઈને અરજી કરી શકે છે.

MLC ચૂંટણી પરિણામ: 4 રાજ્યોની 28 બેઠકોના વિજેતાઓની સંપૂર્ણ યાદી, જાણો કોણે ક્યાંથી મેળવી જીત

કેન્સર સારવાર થશે સસ્તી, ₹80 હજારનું ઇન્જેક્શન હવે માત્ર ₹7 હજારમાં!

લાયકાત અને સેલરી: કોને મળશે કયું પદ?

આ ભરતીમાં અલગ-અલગ લેવલ મુજબ શૈક્ષણિક લાયકાત નક્કી કરવામાં આવી છે, અને પસંદગી પામેલા ઉમેદવારોને 7મા પગાર પંચ (7th Pay Commission) મુજબ શાનદાર સેલરી મળશે:

• લેવલ 4 અને લેવલ 5 (ગ્રુપ સી): આ પદો માટે ઉમેદવારનું કોઈપણ માન્ય યુનિવર્સિટીમાંથી ગ્રેજ્યુએટ હોવું જરૂરી છે. સાથે જ ખેલાડીએ દેશનું પ્રતિનિધિત્વ કર્યું હોય અથવા કોઈ આંતરરાષ્ટ્રીય ચેમ્પિયનશિપમાં મેડલ જીત્યો હોય. જેમાં ગ્રેડ પે 2400 અને 2800 રૂપિયા મુજબ સેલરી મળશે.

• લેવલ 2 અને લેવલ 3 (ગ્રુપ સી): આના માટે ઉમેદવાર 12મું પાસ અથવા 10મા સાથે ITI પાસ હોવો અનિવાર્ય છે. રમતગમતના સ્તરે નેશનલ ગેમ્સ કે ઇન્ટર-યુનિવર્સિટી સ્પર્ધામાં ઓછામાં ઓછું ત્રીજું સ્થાન મેળવ્યું હોય. જેમાં ગ્રેડ પે 1900 અને 2000 રૂપિયા મળશે.

• લેવલ 1 (ગ્રુપ ડિ): 10મું પાસ કે ITI કરનાર યુવાનો આ પદો માટે અરજી કરી શકે છે. જેના માટે રાષ્ટ્રીય અથવા આંતરરાષ્ટ્રીય સ્તરે રમતમાં ભાગીદારી હોવી જરૂરી છે. જેમાં ગ્રેડ પે 1800 રૂપિયા મુજબ સેલરી મળશે.(ધ્યાન રાખો કે તમારા તમામ સ્પોર્ટ્સ સર્ટિફિકેટ 1 એપ્રિલ 2024 કે તેના પછીના હોવા જોઈએ.)

વય મર્યાદા અને અરજી ફી

અરજી કરનાર ઉમેદવારોની ઉંમર 1 જાન્યુઆરી 2027ના રોજ 18 થી 25 વર્ષની વચ્ચે હોવી જોઈએ. આ ભરતીમાં વય મર્યાદામાં કોઈપણ વર્ગને વિશેષ છૂટ આપવામાં આવી નથી.

ફીની વાત કરીએ તો, જનરલ અને ઓબીસી વર્ગના પુરુષ ઉમેદવારો માટે અરજી ફી 500 રૂપિયા છે, જેમાંથી સ્પોર્ટ્સ ટ્રાયલમાં સામેલ થવા પર 400 રૂપિયા પાછા મળી જશે. જ્યારે એસસી, એસટી, મહિલા, દિવ્યાંગ અને ઇબીસી (EBC) વર્ગ માટે ફી 250 રૂપિયા રાખવામાં આવી છે, જે ટ્રાયલ પછી પૂરેપૂરી રિફંડ (પાછી) મળી જશે.

પસંદગી પ્રક્રિયા: 100 ગુણનું સીધું ફોર્મ્યુલા

આ ભરતીમાં કોઈ લેખિત પરીક્ષા લેવાશે નહીં. પસંદગી સંપૂર્ણપણે 100 ગુણના મૂલ્યાંકન પર આધારિત હશે:

1. સ્પોર્ટ્સ સર્ટિફિકેટ (Sports Achievement): 50 ગુણ

2. ગ્રાઉન્ડ ટ્રાયલ અને ફિટનેસ (Game Skill & Fitness): 40 ગુણ (ટ્રાયલમાં પાસ થવા માટે ઓછામાં ઓછા 25 ગુણ લાવવા અનિવાર્ય છે)

3. શૈક્ષણિક લાયકાત (Education): 10 ગુણ

મેરિટ લિસ્ટમાં નામ આવનાર ઉમેદવારોનું અંતમાં મેડિકલ ટેસ્ટ થશે અને તેમણે 5 વર્ષનો સર્વિસ બોન્ડ ભરવો પડશે.

અર્નબ ચક્રવાતની ઘાતક અસર, 18 રાજ્યોમાં મુશળધાર વરસાદનું રેડ એલર્ટ

પાકિસ્તાની F-16 ફાઈટર જેટનું અપગ્રેડ ભારતને મંજૂર નહીં: સંરક્ષણ પ્રધાન રાજનાથ સિંહે અમેરિકી સમકક્ષ સમક્ષ વ્યક્ત કર્યો કડક વાંધો

ઓનલાઈન અરજી કેવી રીતે કરવી?

1. સૌથી પહેલા સાઉથ ઈસ્ટર્ન રેલવે રિક્રુટમેન્ટ સેલની અધિકૃત વેબસાઈટ rrcser.co.in પર જાઓ.

2. હોમપેજ પર આપેલ ‘Sports Quota (OA) 2026-27’ ની લિંક પર ક્લિક કરો.

3. ‘New Registration’ પર જઈને તમારી બેઝિક વિગતો ભરીને રજીસ્ટ્રેશન કરો.

4. ત્યારબાદ માંગવામાં આવેલી તમામ વિગતો ભરો અને તમારા પાસપોર્ટ સાઈઝ ફોટો, સહી તથા સ્પોર્ટ્સ સર્ટિફિકેટ અપલોડ કરો.

5. તમારી કેટેગરી મુજબ ઓનલાઈન ફી ભરો.

6. ફોર્મ સબમિટ કર્યા પછી તેની પ્રિન્ટઆઉટ કાઢીને તમારી પાસે સુરક્ષિત રાખી લો.

જો તમારી પાસે પણ રમતગમતના ઉત્તમ પ્રમાણપત્રો છે અને તમે રેલવેમાં કરિયર બનાવવા માંગો છો, તો આ સોનેરી તકને હાથથી જવા દેતા નહીં!