સુરેન્દ્રનગર પોલીસની મોટી કાર્યવાહી, કસવાળી ગામના ખેતરોમાં ગાંજાનું સૌથી મોટું વાવેતર ઝડપાયું

SOG અને ધજાળા પોલીસની સંયુક્ત કાર્યવાહીથી કસવાળી ગામમાં કરોડોની ખેતી પકડાઈ

સુરેન્દ્રનગર જિલ્લાના સાયલા તાલુકાના કસવાળી ગામની સીમમાં આવેલા બે અલગ અલગ ખેતરોમાંથી પોલીસે ગાંજાનું મોટા પાયે વાવેતર ઝડપી પાડ્યું છે. તુવેર, કપાસ અને એરંડાના પાકની આડમાં ગેરકાયદેસર ખેતી ચાલી રહી હતી. બંને ખેતરોમાંથી કુલ 670 લીલા ગાંજાના છોડ મળી આવ્યા છે. આ તમામ ગાંજાનું કુલ વજન 3508 કિલો હોવાનું જાણવા મળ્યું છે.

કરોડો રૂપિયાનો ગાંજો જપ્ત

પોલીસ તપાસમાં ઝડપાયેલા ગાંજાના છોડની અંદાજિત કિંમત રૂપિયા 17.54 કરોડથી વધુ હોવાનું આંકલન કરાયું છે. આ સાથે ગાંજાનું વાવેતર કરનાર બે શખ્સોને પણ કસ્ટડીમાં લેવામાં આવ્યા છે. જિલ્લામાં માદકદ્રવ્યો સામે ચાલી રહેલી કાર્યવાહી વચ્ચે આ સૌથી મોટી સફળતા ગણાઈ રહી છે. નવા વર્ષના પ્રથમ દિવસે જ આ કાર્યવાહીથી ચર્ચા જાગી છે.

SOG અને ધજાળા પોલીસની સંયુક્ત કામગીરી

સુરેન્દ્રનગર SOG પોલીસ અને ધજાળા પોલીસ દ્વારા સંયુક્ત રીતે આ દરોડા પાડવામાં આવ્યા હતા. જિલ્લામાં અગાઉ પણ ગાંજાનું વાવેતર અને માદકદ્રવ્યોની હેરાફેરી ઝડપાઈ છે. તેમ છતાં આ કેસ માત્રામાં અને મૂલ્યમાં અત્યાર સુધીનો સૌથી મોટો હોવાનું પોલીસ જણાવી રહી છે. ખેતરોમાં કરવામાં આવેલી તપાસ દરમિયાન પોલીસ પણ ચોંકી ઉઠી હતી.

સંજયભાઈના ખેતરમાંથી મોટો જથ્થો

સાયલા તાલુકાના કસવાળી ગામના સંજયભાઈ ભોપાભાઈ તાવિયાના ખેતરમાં એરંડા અને કપાસની આડમાં ગાંજાનું વાવેતર થતું હોવાની બાતમી મળી હતી. SOG પોલીસે દરોડો પાડી તપાસ કરતા 550 ગાંજાના છોડ મળી આવ્યા હતા. આ છોડનું કુલ વજન 3036 કિલો હોવાનું નોંધાયું છે. તેની અંદાજિત કિંમત રૂપિયા 15,18,40,000 ગણવામાં આવી છે.

વઢવાણના હવા મહેલમાં મિલેટ મહોત્સવની રંગીન સાંજ, લોકનૃત્ય અને સંગીતે ઝાલાવાડને મંત્રમુગ્ધ કર્યું

પ્રાકૃતિક ખેતી અને મિલેટના ફાયદાઓ અંગે સુરેન્દ્રનગરમાં વિશેષ સ્ટોલ

પ્રાથમિક પૂછપરછમાં ભાવનાત્મક વિગતો

પોલીસે સંજયભાઈની પ્રાથમિક પૂછપરછ કરતા કેટલીક ચોંકાવનારી વિગતો સામે આવી હતી. તેમની દીકરી મંદબુદ્ધિ હોવાનું તેમજ તેને કેન્સર હોવાને કારણે દર 15 દિવસે અમદાવાદ સારવાર માટે લઈ જવી પડતી હતી. આ કારણે મોટો ખર્ચ થતો હોવાનું તેમણે જણાવ્યું છે. આવકના અન્ય સ્ત્રોત ન હોવાથી ગાંજાની ખેતી શરૂ કર્યાનું ખુલ્યું છે.

તુવેરની આડમાં બીજો દરોડો

બીજી કાર્યવાહી દરમિયાન ધજાળા પોલીસે ભાવુભાઈ રવજીભાઈ મીઠાપરાના ખેતરમાં દરોડો પાડ્યો હતો. અહીં તુવેરના પાકની આડમાં ગાંજાનું વાવેતર કરવામાં આવ્યું હતું. ખેતરમાંથી કુલ 120 ગાંજાના છોડ ઝડપાયા હતા. આ છોડનું વજન 471 કિલો 800 ગ્રામ નોંધાયું છે.

પૂછપરછમાં અનેક દિશાઓએ તપાસ

પકડાયેલા બંને શખ્સોની પોલીસ દ્વારા વિગતવાર પૂછપરછ હાથ ધરવામાં આવી છે. ગાંજાનું બિયારણ ક્યાંથી લાવવામાં આવ્યું હતું તે અંગે તપાસ ચાલી રહી છે. અગાઉ પણ ગાંજાનું વાવેતર કર્યું હતું કે કેમ તે બાબત તપાસ હેઠળ છે. સાથે જ ગાંજો કોને વેચવામાં આવતો હતો તે દિશામાં પણ તપાસ તેજ કરવામાં આવી છે.

સુરેન્દ્રનગરમાં મિલેટ મહોત્સવમાં વિશ્વાબેન ગામીતનો સ્ટોલ બન્યો આકર્ષણનું કેન્દ્ર

જંક ફૂડને અલવિદા, ‘શ્રી અન્ન’ને આવકાર: સુરેન્દ્રનગરના મિલેટ માર્કેટમાં ખિચડી બની આકર્ષણનું કેન્દ્ર

36 કલાક સુધી ચાલેલી કામગીરી

ગાંજાના છોડ જમીનમાંથી કાઢવા માટે પોલીસને 12 જીઆરડી જવાનોની મદદ લેવી પડી હતી. અંદાજે સતત 36 કલાક સુધી આ કામગીરી ચાલી હતી. ગાંજાનો જથ્થો એટલો મોટો હતો કે ત્રણ ટ્રેક્ટરમાં ભરવો પડ્યો હતો. તમામ ગાંજાના છોડ પોલીસ સ્ટેશન લાવવામાં આવ્યા હતા.

પોલીસ ટીમને ઈનામથી પ્રોત્સાહન

સુરેન્દ્રનગર જિલ્લામાં અત્યાર સુધીમાં આ સૌથી મોટું ગાંજાનું વાવેતર ઝડપાયું હોવાનું પોલીસે જણાવ્યું છે. આ સફળ કામગીરી બદલ જિલ્લા પોલીસ વડા દ્વારા SOG પોલીસ અને ધજાળા પોલીસને રોકડ ઇનામ આપવામાં આવ્યું છે. પોલીસ ટીમને આ રીતે પ્રોત્સાહિત કરવામાં આવી છે. જિલ્લામાં માદકદ્રવ્યો સામે કાર્યવાહી વધુ કડક બનશે તેવી અપેક્ષા છે.