Video: ચોર બન્યો ‘સ્પાઈડરમેન’, તો મુસાફરોએ એવી હવા કાઢી કે જોતા રહી જશો!
એક શાતિર ચોરે ચાલતી બસની બારીમાંથી ફોન ઝૂંટવવા માટે હાથ નાખ્યો, પરંતુ અંદર બેઠેલો મુસાફર પણ ગજબનો સ્ફૂર્તિલો નીકળ્યો. વ્યક્તિએ ચોરનો હાથ જ પકડી લીધો, અને પછી જે થયું તે જોઈને સોશિયલ મીડિયા પર લોકો ખૂબ મજા લઈ રહ્યા છે. તમે પણ જુઓ અને આનંદ માણો.
ફોન સ્નેચર પોતે જ ‘સ્નેચ’ થઈ ગયો!
સોશિયલ મીડિયા પર એક વીડિયો જોરશોરથી વાયરલ થઈ રહ્યો છે, જેમાં એક શખ્સ બસની બારીએ એવી રીતે લટકેલો છે જાણે કોઈ જિમમાં બેન્ચ પ્રેસ કરી રહ્યો હોય. ઘટના કંઈક એવી છે કે, એક શાતિર ચોરે વિચાર્યું હતું કે ચાલતી બસમાંથી મોબાઈલ ઝૂંટવીને તે ‘મિલ્ખા સિંગ’ બની જશે. પણ તેને ક્યાં ખબર હતી કે અંદર બેઠેલા મુસાફરો પણ ‘પ્રો કબડ્ડી’ના ખેલાડી નીકળશે!
શું છે આખી ઘટના?
બન્યું એવું કે, એક ચોરે ચાલતી બસની બારીમાં ફોન આંચકી લેવા હાથ નાખ્યો, પણ મુસાફરે સમયસૂચકતા વાપરી ચોરનો હાથ મજબૂતીથી પકડી લીધો. વાયરલ વીડિયોમાં જોઈ શકાય છે કે ચોરનું અડધું શરીર બારીની અંદર અને અડધું હવામાં લટકી રહ્યું છે. આ દ્રશ્ય જોઈને એવું લાગે જાણે ચોર પણ વિચારી રહ્યો હશે કે તે ચોરી કરવા આવ્યો હતો કે બસની બારીએ હિંચકા ખાવા!
Phone heist gone wrong on Moving Bus (Phone snatcher got snatched) pic.twitter.com/5gR1XOgtDr
— Ghar Ke Kalesh (@gharkekalesh) February 2, 2026
વીડિયોમાં તમે જોશો કે મુસાફરોએ ચોરને ત્યાં સુધી પકડી રાખ્યો જ્યાં સુધી બસ ઊભી ન રહી. જેવી બસ ઉભી રહી, મુસાફરોએ ભેગા મળીને ચોરને બારીની અંદર ખેંચવાનું શરૂ કર્યું, જ્યારે ચોર બહાર નીકળવા માટે એડીચોટીનું જોર લગાવી રહ્યો હતો. જોકે, આ વીડિયો ક્યાંનો છે અને ક્યારનો છે તેની સત્તાવાર પુષ્ટિ થઈ શકી નથી.
સોશિયલ મીડિયા પર લોકોએ લીધી મજા
X (ટ્વિટર) હેન્ડલ @gharkekalesh પરથી શેર કરવામાં આવેલા આ વીડિયો પર લોકોની કોમેન્ટ્સનું પૂર આવ્યું છે:
- એક યુઝરે લખ્યું: “આ તો મિશન ઇમ્પોસિબલનું સસ્તું વર્ઝન છે!”
- બીજાએ મજાકમાં કહ્યું: “હવે આની બરાબરની મહેમાનગતિ થશે.”
- અન્ય એક યુઝરે કોમેન્ટ કરી: “ફોન સ્નેચ કરવા આવ્યો હતો, પણ મને જ સ્નેચ કરી લીધો!”
- ચોથાએ લખ્યું: “શું ચોર બનશે રે તું!”
