વલસાડ જિલ્લામાં બાકી આયુષ્યમાન કાર્ડ બનાવવા માટે ૯ થી ૨૮ ફેબ્રુઆરી સુધી મેગા ડ્રાઈવનું આયોજન

એનએફએસએના બાકી ૨.૬૪ લાખ લાભાર્થીઓ માટે વલસાડ જિલ્લામાં આયુષ્યમાન કાર્ડ મહાઅભિયાન શરૂ

વલસાડ જિલ્લામાં આયુષ્યમાન ભારત પ્રધાનમંત્રી જનઆરોગ્ય યોજના (PMJAY) હેઠળ બાકી રહેલા ૨,૬૪,૭૩૦ લાભાર્થીઓના કાર્ડ બનાવવા માટે જિલ્લા વહીવટી તંત્ર દ્વારા આગામી તા. ૯ થી ૨૮ ફેબ્રુઆરી દરમિયાન વિશેષ મેગા ડ્રાઈવનું આયોજન કરવામાં આવ્યું છે. જિલ્લા કલેક્ટર ભવ્ય વર્મા અને ડીડીઓ અતિરાગ ચપલોતના માર્ગદર્શન હેઠળ આરોગ્ય વિભાગ દ્વારા આ અંગેનું સઘન માઈક્રો પ્લાનિંગ તૈયાર કરી દેવામાં આવ્યું છે.

મેગા ડ્રાઈવ અને માઈક્રો પ્લાનિંગ

જિલ્લામાં કુલ ૧૦.૬૨ લાખથી વધુ NFSA લાભાર્થીઓમાંથી અત્યાર સુધીમાં ૭.૭૮ લાખ લાભાર્થીઓના કાર્ડ બની ચૂક્યા છે. બાકી રહેલી કામગીરીને વેગ આપવા માટે:

• હાઉસ ટુ હાઉસ સર્વે: કોમ્યુનિટી હેલ્થ ઓફિસર (CHO) અને હેલ્થ વર્કર્સ ઘરે-ઘરે જઈને બાકી લાભાર્થીઓની ઓળખ કરશે અને સ્થળ પર જ કાર્ડ બનાવશે.

• તાલુકાવાર જવાબદારી: જિલ્લાના ૬ તાલુકાઓમાં કામગીરીના મોનિટરિંગ માટે ઉચ્ચ અધિકારીઓની લાયઝન ઓફિસર તરીકે નિમણૂક કરવામાં આવી છે.

• ટેકનિકલ ચકાસણી: કેમ્પના સ્થળે સ્ટાફને BIS 2.0 પોર્ટલના ઉપયોગની તાલીમ અને નેટવર્કિંગ સુવિધા સુનિશ્ચિત કરવામાં આવશે.

મોનિટરિંગ માટેની ટીમ અને લાયઝન અધિકારીઓ

દરેક તાલુકામાં અસરકારક કામગીરી માટે જવાબદારી સોંપાઈ છે:

• પારડી: CDHO ડો. અરવિંદકુમાર સિંહ.

• કપરાડા: DTO ડો. હરજિતપાલ સિંગ.

• ધરમપુર: EMO ડો. મનોજ પટેલ.

• વલસાડ: DLO ડો. જયશ્રી ચૌધરી.

• ઉમરગામ: ડો. વિરેન પટેલ.

• વાપી: DQMO ડો. દિવ્યેશ પટેલ.

જાગૃતિ અને પ્રચાર-પ્રસાર

લાભાર્થીઓ સુધી માહિતી પહોંચાડવા માટે કેમ્પ સ્થળો પર IEC (માહિતી, શિક્ષણ અને પ્રસારણ) મટિરિયલ લગાવવામાં આવશે. અધિકારીઓ કેમ્પ સ્થળની મુલાકાત લઈ લાભાર્થીઓની યાદી, પ્રચાર સામગ્રી અને NFSA ડેટામાં રહેલી વિસંગતતાઓની તપાસ કરશે. આ ઝુંબેશનો હેતુ વલસાડ જિલ્લાના દરેક પાત્રતા ધરાવતા નાગરિકને આરોગ્ય સુરક્ષાનું કવચ પૂરું પાડવાનો છે.

વલસાડ જિલ્લા કલેકટર ભવ્ય વર્માના અધ્યક્ષસ્થાને પ્રિ-મોન્સુનની તૈયારી અંગે બેઠક મળી

વલસાડ ચૂંટણીના શોરમાં દબાયો મૃતાત્માઓનો આક્રંદ: પીએમ મોદીએ શોક વ્યક્ત કર્યો, પણ ગુજરાત મુખ્યમંત્રી પાસે સંવેદના માટે સમય નથી?