વલસાડ GMERS સિવિલ હોસ્પિટલમાં ફરજ બજાવતા નર્સિંગ સ્ટાફે હવે સરકારની નીતિઓ સામે વિરોધ કરી પડતર માંગણીઓ મુદ્દે આજે મંગળવાર સાંજ સુધીમાં સરકાર તરફથી કોઈ સંતોષ કારક જવાબ નહીં મળે તો અચોક્કસ મુદ્દતની હડતાળ ઉપર ઉતરવાની ચીમકી આપી છે.
વિગતો મુજબ જી.એમ.ઇ.આર.એસ સંચાલિત હોસ્પિટલના નર્સિંગ કર્મચારીઓને ૭ માં પગારપંચનો લાભ આપીને તેની તારીખ 1 જાન્યુઆરી 2016 થી અમલ કરવાની માંગણી કરેલ છે. જે 1 એપ્રિલ 2019થી ચુકવેલ છે. નર્સિંગ સ્ટાફ્ને ભવિષ્યમાં મળવાપાત્ર ઉચ્ચતરની પોલીસી બનાવીને તેનો લાભ આપવો. 10 વર્ષથી પણ વધુ સમયથી ફરજ બજાવતા કર્મચારીઓને નિવ્રૂતિ બાદ સીપીએફ્નો બચતનો લાભ આપવા સહિત વર્ષ 2010થી કાર્યરત નર્સિંગ સ્ટાફ માટે પ્રમોશનની પોલીસી નક્કી કરીને હેડ નર્સ, એ.એન.એસ., ડી.એન.એસ., એન.એસ., કક્ષાનુ પ્રમોશન તાકીદે આપવું. નર્સિંગ કર્મચારીઓને એલટીસીનો લાભ તેમજ નર્સિંગ સર્વિસીસ એસન્સિયલ હોવાથી સ્ટાફને કરવો પડતો ઓવર ટાઇમ તથા ઇમરજન્સી ડ્યુટી કરવી વગેરે નું અને વાહન ભથ્થુ આપવા માંગ કરી રહ્યા છે, તબીબી સારવાર નિયમો -2015 મુજબ નર્સિંગ સ્ટાફ્ને તબીબી ભથ્થા તેમજ મેડિકલ ખર્ચ રીએમ્બેસમેન્ટ નો લાભ આપવા ઉપરાંત નર્સિંગ સ્ટાફના અવસાન બાદ આશ્રીત પરીવારને ઉચ્ચક નાણાંકીય સહાય આપવી વગેરે માંગ કરી રહ્યા છે જેનો નિવડો નહિ આવતા આખરે સરકાર ને અલ્ટીમેટમ આપી હડતાળ ની ચીમકી આપવામાં આવી છે.
