હવે બ્લિંકઇટની એમ્બ્યુલન્સ બોલાવવી પડશે મોંઘી! જાણી લો ક્યારથી અને કેટલો લાગશે ચાર્જ!
ક્વિક કોમર્સ પ્લેટફોર્મ બ્લિંકઇટ (Blinkit) દ્વારા થોડા સમય પહેલા જ શરૂ કરવામાં આવેલી એમ્બ્યુલન્સ સર્વિસને લોકો તરફથી ભારે આવકાર મળ્યો હતો અને લોકો તેનો મોટા પ્રમાણમાં ઉપયોગ પણ કરી રહ્યા છે. અત્યાર સુધી આ સેવા સંપૂર્ણપણે નિઃશુલ્ક (Free of cost) હતી, પરંતુ હવે તેમાં મોટો બદલાવ કરવામાં આવ્યો છે. તાજેતરમાં જ જોમાટો (Zomato) ના ફાઉન્ડર દીપીંદર ગોયલે આ અંગેની સત્તાવાર જાહેરાત કરતા જણાવ્યું છે કે બ્લિંકઇટની આ સેવા માટે હવે ટૂંક સમયમાં જ ચાર્જ વસૂલવામાં આવશે.
આ અહેવાલમાં આપણે વિગતવાર જાણીશું કે આ નિર્ણય પાછળનું કારણ શું છે અને કઈ સેવાઓ માટે પૈસા ચૂકવવા પડશે.
સોશિયલ મીડિયા દ્વારા કરવામાં આવી જાહેરાત
I started Zomato with a spirit of service. Blinkit Ambulance is what that spirit of service looks like today.
In the last 2 years, we have served ~20,000 emergency cases (~42,000 cases in total). We haven’t charged a single rupee for any of them. And we want to keep it that way.
With everything free, a growing share of bookings are for routine checkups, hospital visits and hospital-to-home transfers, trips that an Uber or private transport could have handled just as easily. Every such booking keeps a fully equipped emergency ambulance with paramedics off the road when someone’s life may depend on it.
So we are making a change from now onwards: Emergency transfers – free, as always. Non-emergency transfers – ₹2,500, charged after the trip. Broadly in line with what private ambulances charge. This money goes to Eternal Foundation, which runs these ambulances and will help us scale them even further.
We hope that this charge will dramatically drop the usage of our Ambulances for non-emergency cases. 10-minute ambulances have saved and can save thousands of lives, and we need to keep them available for emergencies that need them the most.
One more thing. Scaling high quality ambulances is hard. The biggest bottleneck is trained, empathic paramedics. Our training academy is scaling as fast as we can without compromising on quality, and @albinder and team are committed to bringing Blinkit Ambulance to all major cities in India in the next 2-4 years.
Stay well, and I pray you don’t need us. @sparsh_sehgal – I wish your grandma a speedy recovery, and I am so glad we were able to be there on time.
— Deepinder Goyal (@deepigoyal) November 5, 2026
સેવા મફત હોવાને કારણે વધી ગયો હતો બિનજરૂરી ઉપયોગ
દીપીંદર ગોયલે આગળ સ્પષ્ટતા કરતા જણાવ્યું કે, આ સેવા સંપૂર્ણપણે મફત હોવાને કારણે છેલ્લા કેટલાક સમયથી એવી બુકિંગ્સની સંખ્યામાં નોંધપાત્ર વધારો થયો છે જે સામાન્ય કે રૂટીન કાર્યો માટે હતી.
દાખલા તરીકે, લોકો રૂટીન હેલ્થ ચેકઅપ માટે હોસ્પિટલ જવા કે હોસ્પિટલથી પાછા ઘરે આવવા માટે એમ્બ્યુલન્સનો ઉપયોગ કરવા લાગ્યા હતા – એટલે કે એવા કામો માટે જેના માટે સામાન્ય રીતે Uber કે કોઈપણ ખાનગી વાહનનો આસાનીથી ઉપયોગ કરી શકાતો હતો.
આ સમસ્યા વિશે વાત કરતા તેમણે કહ્યું કે, આવી બિનજરૂરી બુકિંગ્સને કારણે પેરામેડિક્સ અને અદ્યતન સાધનોથી સજ્જ એક ઇમરજન્સી એમ્બ્યુલન્સ રસ્તા પરથી હટી જાય છે. જ્યારે વાસ્તવિકતા એ હોય છે કે તે જ સમયે ક્યાંક કોઈની જિંદગી બચાવવા માટે તે એમ્બ્યુલન્સની સખત જરૂરિયાત હોઈ શકે છે.
નોન-ઇમરજન્સી સેવાઓ માટે હવે લાગશે ₹૨,૫૦0 નો ચાર્જ
આ સમસ્યાના ઉકેલ માટે કંપનીએ એક મહત્વપૂર્ણ ફેરફાર કર્યો છે:
ઇમરજન્સી સેવાઓ હજુ પણ ફ્રી: ગંભીર કે આકસ્મિક સ્થિતિવાળા ઇમરજન્સી ટ્રાન્સફર હંમેશની જેમ અગાઉની માફક સંપૂર્ણપણે નિઃશુલ્ક જ રહેશે. તેમાં કોઈ બદલાવ કરવામાં આવ્યો નથી.
નોન-ઇમરજન્સી ટ્રાન્સફર માટે ચાર્જ: જો કોઈ વ્યક્તિ સામાન્ય અથવા નોન-ઇમરજન્સી હેતુ માટે એમ્બ્યુલન્સ બોલાવશે, તો મુસાફરી (Trip) પૂરી થયા પછી ₹૨,૫૦0 નો ચાર્જ વસૂલવામાં આવશે.
આ ચાર્જ બજારમાં ઉપલબ્ધ સામાન્ય ખાનગી એમ્બ્યુલન્સના દરની આસપાસ જ રાખવામાં આવ્યો છે. ખાસ વાત એ છે કે આ ફીસ પેટે મળતા નાણાં ‘ઇટરનલ ફાઉન્ડેશન’ (Eternal Foundation) ના ખાતામાં જશે, જે આ એમ્બ્યુલન્સનું સંચાલન કરે છે. આ ફંડ દ્વારા કંપનીને પોતાની આ એમ્બ્યુલન્સ સર્વિસને વધુ વિસ્તૃત કરવામાં અને પાયાની સુવિધાઓ વધારવામાં મદદ મળશે.
ઉપયોગ ઘટવાની આશંકા છતાં સાચો નિર્ણય
દીપીંદર ગોયલે પોતાની પોસ્ટમાં એવો પણ સ્વીકાર કર્યો છે કે આ નવા ચાર્જીસ લાગુ થયા પછી નોન-ઇમરજન્સી કેસોમાં તેમની એમ્બ્યુલન્સના ઉપયોગમાં ચોક્કસપણે ઘટાડો જોવા મળશે. પરંતુ તેમનું માનવું છે કે આ પગલું ખૂબ જરૂરી હતું.
તેમણે યાદ અપાવ્યું કે તેમની આ ‘૧૦-મિનિટ એમ્બ્યુલન્સ સર્વિસ’ એ અત્યાર સુધીમાં હજારો લોકોના જીવ બચાવ્યા છે અને ભવિષ્યમાં પણ ગંભીર દર્દીઓ માટે તે જીવનરક્ષક સાબિત થતી રહેશે. તેથી, એમ્બ્યુલન્સ હંમેશાં સાચા અને જરૂરિયાતમંદ દર્દીઓ માટે જ ઉપલબ્ધ રહે તે સુનિશ્ચિત કરવું ખૂબ જ જરૂરી હતું.
