અમદાવાદ : અમદાવાદમાં કોરોનાનો કહેર દિવસેને દિવસે વધી રહ્યો છે. જેમાં ભાજપના કદાવર નેતા અને અમદાવાદ શહેર પ્રમુખ જગદીશ પંચાલ પણ કોરોનાની ઝપેટમાં આવ્યા છે. ભાજપ શહેર પ્રમુખ જગદીશ પંચાલને છેલ્લા 2 દિવસથી તાવ આવતો હોવાની ફરિયાદ હતી, ત્યારે ગત રાત્રી (27 મે) નાં રોજ તેમનો કોરોનાનો રિપોર્ટ પોઝિટીવ આવતા તેમને સારવાર અર્થે એપોલો હોસ્પિટલમાં ખસેડવામાં આવ્યા છે. હાલમાં તેમની તબિયત સ્થિર હોવાની સૂમાહતી મળી છે. ભાજપ શહેર પ્રમુખ જગદીશ પંચાલનો કોરોના રિપોર્ટ પોઝિટિવ આવતા ભાજપના અન્ય નેતાઓમાં ફફડાટ ફેલાયો છે. આ સાથે તંત્રએ પણ પ્રમુખ જગદીશ પંચાલના સંપર્કમાં આઇલા લોકોની માહિતી એકત્ર કરી રહ્યા છે અને જેમ – જેમ માહિતી મળે તેમ તેમ પંચાલના સંપર્કમાં આવેલા લોકોને ક્વોરેન્ટીન કરવાની કામગીરી હાથ ધરી છે.
