Jioનો ધમાકેદાર પ્લાન: ૧૨ સુપરહીટ OTT એપ્સ સાથે ૩ મહિના ઉપરાંત ૭ દિવસની મળશે એક્સ્ટ્રા વેલિડિટી
ભારતીય ટેલિકોમ સેક્ટરમાં યુઝર્સને પોતાની તરફ આકર્ષિત કરવા માટે અગ્રણી કંપનીઓ વચ્ચે સતત અવનવી ઓફર્સ રજૂ કરવાની હોડ જામી હોય છે. જો તમારી પાસે પહેલાથી જ ઘરે રિલાયન્સ જીઓ ફાઇબર (Reliance Jio Fiber) બ્રોડબેન્ડ કનેક્શન છે અથવા તમે નજીકના સમયમાં નવું હાઈ-સ્પીડ કનેક્શન લેવાનું વિચારી રહ્યા છો, તો કંપનીનો એક ખાસ ત્રિમાસિક પ્લાન તમારા હોમ એન્ટરટેઈનમેન્ટના બજેટને સસ્તું બનાવી શકે છે. જીઓ તેના ગ્રાહકો માટે ₹૨,૨૨૨ ની કિંમતનો એક શાનદાર પ્લાન ઓફર કરી રહ્યો છે. ત્રણ મહિનાની લાંબી વેલિડિટી સાથે આવતો આ પ્લાન માત્ર હાઈ-સ્પીડ ડેટા અને અનલિમિટેડ વોઈસ કોલિંગ જ નથી આપતો, પરંતુ ગ્રાહકોને અઢળક પ્રીમિયમ ઓટીટી (OTT) પ્લેટફોર્મ્સ અને વધારાના ૭ દિવસની મફત માન્યતા પણ પ્રદાન કરે છે.
હાઈ-સ્પીડ ઇન્ટરનેટ અને ઓટીટી પ્લેટફોર્મ્સનો ભરપૂર ખજાનો
કંપનીની સત્તાવાર વેબસાઇટ પર ઉપલબ્ધ નવીનતમ માહિતી અનુસાર, આ પ્લાન હેઠળ યુઝર્સને ૩૦ Mbps ની શાનદાર ઇન્ટરનેટ સ્પીડ મળે છે. આ પ્લાનની સૌથી મોટી ખાસિયત એ છે કે તે ‘સિમેટ્રિકલ’ સ્પીડ ઓફર કરે છે, જેનો અર્થ એ થાય કે યુઝર્સને ડાઉનલોડિંગ અને અપલોડિંગ બંને માટે એકસરખી હાઈ-સ્પીડ વિધાઉટ એની લેગ મળશે.
મનોરંજનના શોખીનો માટે આ પ્લાન કોઈ વરદાનથી ઓછો નથી. આ સિંગલ રિચાર્જમાં ગ્રાહકોને દેશના ૧૨ લોકપ્રિય અને પ્રીમિયમ ઓટીટી પ્લેટફોર્મ્સનું મફત સબ્સ્ક્રિપ્શન મળે છે. જેમાં JioHotstar, ZEE5, SonyLIV, Hoichoi, SunNXT, TimesPlay, Discovery+, ErosNow, TarangPlus, Lionsgate Play, ShemarooMe અને ETV Win નો સમાવેશ થાય છે. આટલું જ નહીં, આ પ્લાનની મદદથી ગ્રાહકો પોતાના સ્માર્ટ ટીવી કે સેટ-ટોપ બોક્સ પર ૧,૦૦૦ થી વધુ લાઈવ ટીવી ચેનલોનો નંદ માણી શકે છે.
ફાઇબર વિરુદ્ધ એરફાઇબર: ડેટા મર્યાદા અને નિયમો
જીઓ આ સુવિધા પોતાના પરંપરાગત વાયર્ડ ફાઇબર (Jio Fiber) અને વાયરલેસ કનેક્શન (Jio AirFiber) બંને યુઝર્સ માટે ઉપલબ્ધ કરાવે છે, પરંતુ બંનેમાં ડેટા વપરાશની કોમર્શિયલ મર્યાદા અલગ-અલગ રાખવામાં આવી છે. જો તમારા વિસ્તારમાં ફાઇબર લાઇન ઉપલબ્ધ છે અને તમે ફાઇબર પ્લાન પસંદ કરો છો, તો તમને દર મહિને ૩.૩ TB એટલે કે આશરે ૩,૩૦૦ GB ડેટા મળે છે. જ્યારે બીજી તરફ, એરફાઇબર (AirFiber) ટેકનોલોજીનો ઉપયોગ કરતા ગ્રાહકોને દર મહિને ૧ TB એટલે કે ૧,૦૦૦ GB ડેટાની લિમિટ મળે છે.
ગ્રાહકોએ એ બાબતની ખાસ નોંધ લેવાની રહેશે કે ટેલિકોમ નિયમો અનુસાર આ તમામ પ્લાનની જાહેર કરાયેલી કિંમતો ઉપરાંત અલગથી ૧૮% જીએસટી (GST) વસૂલવામાં આવે છે, જે બિલિંગ વખતે કુલ રકમમાં ઉમેરાઈને આવે છે. આ ઉપરાંત જો કોઈ ગ્રાહકને નિયમિત પ્લાનની ઉપર વધારાના ડેટાની જરૂર હોય, તો કંપની ₹૧૦૧ નો એક બૂસ્ટર પ્લાન પણ ઓફર કરે છે, જેમાં ૯૦ દિવસની લાંબી વેલિડિટી સાથે ૧૦૦ GB વધારાનો ડેટા મળે છે. આ ડેટા બૂસ્ટર માય જીઓ એપ્લિકેશન પરથી ખરીદી શકાય છે.
એરટેલની એક્સપ્રેસ ઓફર સાથે સીધી સ્પર્ધા
જીઓના આ મોટા પ્લાનને ટક્કર આપવા માટે હરીફ કંપની ભારતી એરટેલ (Airtel) પણ બજારમાં સક્રિય છે. એરટેલની સત્તાવાર વેબસાઇટ મુજબ, કંપની ₹૬૯૯ નો એક માસિક બ્રોડબેન્ડ પ્લાન ઓફર કરે છે. આ પ્લાનમાં ગ્રાહકોને જીઓ કરતાં વધુ એટલે કે ૪૦ Mbps ની ઇન્ટરનેટ સ્પીડ, અમર્યાદિત ડેટા અને ૩૫૦ થી વધુ લાઈવ ટીવી ચેનલોની એક્સેસ મળે છે. આ સાથે એરટેલ પોતાના યુઝર્સને ૨૨ થી વધુ નાની-મોટી ઓટીટી સેવાઓનો લાભ પણ આપે છે. જોકે, લાંબા ગાળાના આયોજન અને મફત ૭ દિવસની વધારાની વેલિડિટીના ગણિતમાં જીઓનો ત્રિમાસિક પ્લાન ગ્રાહકોના ખિસ્સા માટે વધુ અનુકૂળ અને આકર્ષક સાબિત થઈ રહ્યો છે.
