IPLના સ્થાપક લલિત મોદી બન્યા બ્રિટિશ નાગરિક, 2010થી લંડનમાં છે વસવાટ
IPLના પૂર્વ અધ્યક્ષ અને સ્થાપક લલિત મોદીને બ્રિટનની નાગરિકતા મળી છે. તેમણે 15 સપ્ટેમ્બર 2026ના રોજ નાગરિકતા પ્રાપ્ત કરી હોવાનો ખુલાસો કર્યો છે. 2010માં ભારત છોડીને બ્રિટન ગયેલા લલિત મોદી પર IPL સાથે જોડાયેલા નાણાકીય વ્યવહારોમાં ગેરરીતિ અને વિદેશી હૂંડિયામણના નિયમોના ઉલ્લંઘનના આક્ષેપો થયા હતા. હવે બ્રિટિશ નાગરિકતા મળ્યા બાદ તેમના ભારત પરત આવવા અને કાયદાકીય કાર્યવાહી અંગે ફરી ચર્ચા શરૂ થઈ છે.
લલિત મોદીએ સોશિયલ મીડિયા પર આપી જાણકારી
IPLના સ્થાપક લલિત મોદીએ બ્રિટિશ નાગરિકતા મળ્યાની માહિતી સોશિયલ મીડિયા પ્લેટફોર્મ X પર શેર કરી હતી. તેમણે જણાવ્યું કે 15 સપ્ટેમ્બર, 2026ના રોજ પરિવારજનો અને નજીકના મિત્રોની હાજરીમાં તેમને બ્રિટિશ નાગરિકતા મળી હતી. તેમણે આ ક્ષણને પોતાના જીવનનો ગૌરવપૂર્ણ પ્રસંગ ગણાવ્યો હતો.
ઓક્સફર્ડ યુનિયનમાં યોજાયેલા એક કાર્યક્રમ દરમિયાન પણ તેમણે આ અંગે વાત કરી હતી. લલિત મોદીના જણાવ્યા અનુસાર, બ્રિટન છેલ્લા ઘણા વર્ષોથી તેમનું ઘર રહ્યું છે. અહીંની સંસ્કૃતિ, પરંપરાઓ, સંસ્થાઓ અને લોકો સાથે તેમનો લાંબા સમયથી સંબંધ રહ્યો છે.
તેમણે વધુમાં જણાવ્યું હતું કે બ્રિટિશ નાગરિકતા મેળવવી તેમના માટે માત્ર સન્માનની વાત નથી, પરંતુ તેની સાથે જવાબદારી પણ જોડાયેલી છે. હવે તેઓ જે દેશને પોતાનું ઘર માને છે, તેના માટે સકારાત્મક યોગદાન આપવા માગે છે. પોતાના સંદેશના અંતમાં તેમણે ‘ગોડ સેવ ધ કિંગ’ લખીને બ્રિટનના રાજા ચાર્લ્સ ત્રીજા પ્રત્યે આદર વ્યક્ત કર્યો હતો.
2010માં ભારત છોડીને લંડન ગયા હતા લલિત મોદી
લલિત મોદીનું નામ ભારતીય ક્રિકેટ જગતમાં IPLની શરૂઆત સાથે જોડાયેલું છે. વર્ષ 2008માં તેમણે ઇન્ડિયન પ્રીમિયર લીગની શરૂઆત કરવામાં મહત્ત્વની ભૂમિકા ભજવી હતી. તેઓ IPLના પ્રથમ અધ્યક્ષ અને કમિશનર પણ બન્યા હતા. ટૂંકા સમયમાં IPL વિશ્વની સૌથી લોકપ્રિય ક્રિકેટ લીગમાં સામેલ થઈ ગઈ હતી.
🇬🇧 A PROUD MOMENT. A NEW CHAPTER.
Today, 14 November 2026, I had the honour of addressing the Oxford Union, where I publicly shared a very special and personal milestone.
I AM PROUD TO BE A BRITISH CITIZEN. 🇬🇧
On 15 September 2026, surrounded by family and friends, I celebrated my British citizenship at a ceremony that will always hold a special place in my heart.
The United Kingdom has been my home for many years. It is a country I have come to admire and appreciate deeply — its people, institutions, traditions and values.
Becoming British is a privilege and a responsibility that I embrace with pride, gratitude and a genuine sense of belonging.
My life’s journey has been shaped by different cultures and experiences, and I look forward to continuing to contribute positively to the country I proudly call home.
Thank you to my family, friends and everyone who has been part of this journey, and to the Oxford Union for providing such a memorable occasion to share this news.
A new chapter, with much to look forward to.
And on His Majesty King Charles III’s birthday, a particularly special day to share this moment.
God Save the King! 🇬🇧👑
Lalit Modi
Founder IPL
#BritishCitizen #OxfordUnion #UnitedKingdom #GodSaveTheKing
— Lalit Kumar Modi (@LalitKModi) November 14, 2026
જોકે, વર્ષ 2010માં IPL સાથે જોડાયેલા નાણાકીય વ્યવહારો અને વિદેશી હૂંડિયામણના નિયમોના સંભવિત ઉલ્લંઘન અંગે વિવાદ ઊભો થયો હતો. આ મામલે એન્ફોર્સમેન્ટ ડિરેક્ટોરેટ (ED) દ્વારા પણ તપાસ શરૂ કરવામાં આવી હતી.
આ વિવાદ વચ્ચે ભારતીય ક્રિકેટ કંટ્રોલ બોર્ડ (BCCI)એ લલિત મોદીને સસ્પેન્ડ કર્યા હતા. ત્યારબાદ વર્ષ 2013માં તેમના પર આજીવન પ્રતિબંધ મૂકવામાં આવ્યો હતો. વર્ષ 2010થી તેઓ ભારતની બહાર રહે છે અને લંડન તેમનું મુખ્ય નિવાસસ્થાન રહ્યું છે.
બ્રિટિશ નાગરિકતા મળવાથી ભારત પરત લાવવાની પ્રક્રિયા અટકશે?
લલિત મોદીને બ્રિટનની નાગરિકતા મળ્યા બાદ સૌથી મોટો સવાલ એ છે કે શું હવે તેમને ભારત પરત લાવવા મુશ્કેલ બનશે? કાયદાકીય નિષ્ણાતોના મતે, કોઈ વ્યક્તિને વિદેશી નાગરિકતા મળી જાય એટલે તેની સામે બીજા દેશમાં ચાલી રહેલી કાયદાકીય કાર્યવાહી આપોઆપ સમાપ્ત થઈ જતી નથી.
ભારત અને બ્રિટન વચ્ચે પ્રત્યાર્પણ સંધિ છે. આ સંધિ હેઠળ જરૂરી કાયદાકીય શરતો પૂરી થતી હોય તો ભારત બ્રિટન પાસે સંબંધિત વ્યક્તિના પ્રત્યાર્પણની માંગ કરી શકે છે.
જોકે, આવા મામલામાં અંતિમ નિર્ણય બ્રિટનના સંબંધિત અધિકારીઓ અને અદાલતોની કાયદાકીય પ્રક્રિયા પર આધારિત હોય છે. તેથી લલિત મોદીને બ્રિટિશ નાગરિકતા મળવાથી તેમની સામેના ભારતીય કાયદાકીય મામલાઓનો અંત આવ્યો છે એવું કહી શકાય નહીં.
આગામી સમયમાં આ મામલે કાયદાકીય સ્તરે શું સ્થિતિ સર્જાય છે અને ભારત તરફથી કોઈ નવી કાર્યવાહી થાય છે કે નહીં તેના પર સૌની નજર રહેશે.
