પાકિસ્તાન સુપર લીગ (PSL) 2023 સમાપ્ત થયા પછી, શારજાહમાં અફઘાનિસ્તાન અને પાકિસ્તાન વચ્ચે ત્રણ મેચની T20 આંતરરાષ્ટ્રીય શ્રેણી રમવાની છે. ત્રણ મેચની T20 આંતરરાષ્ટ્રીય શ્રેણી માટે પાકિસ્તાનની ટીમની જાહેરાત કરવામાં આવી છે. કેપ્ટન બાબર આઝમ, શાહીન આફ્રિદી, મોહમ્મદ રિઝવાન, ફખર ઝમાન જેવા વરિષ્ઠ ખેલાડીઓને આરામ આપવામાં આવ્યો છે, જ્યારે શાદાબ ખાનને ટીમની કમાન સોંપવામાં આવી છે. પાકિસ્તાન ક્રિકેટ બોર્ડ (PCB)ના ચીફ નજમ સેઠીએ જો કે સ્પષ્ટ કર્યું કે બાબર પાકિસ્તાન ટીમના કેપ્ટન તરીકે ચાલુ રહેશે.
15 સભ્યોની ટીમની જાહેરાત કરવાની સાથે પાકિસ્તાને ત્રણ રિઝર્વ ખેલાડીઓના નામની પણ જાહેરાત કરી છે. PSL 2023માં સારું પ્રદર્શન કરનારા કેટલાક ખેલાડીઓને ટીમમાં જગ્યા મળી છે.
અફઘાનિસ્તાન સામેની T20 શ્રેણી માટે પાકિસ્તાનની ટીમ
શાદાબ ખાન (કેપ્ટન), ઈહસાનુલ્લાહ, નસીમ શાહ, અબ્દુલ્લા શફીક, ઈમાદ વસીમ, સામ અયુબ, આઝમ ખાન, મોહમ્મદ હરિસ, શાન મસૂદ, ફહીમ અશરફ, મોહમ્મદ નવાઝ, તૈયબ તાહિર, ઈફ્તિખાર અહેમદ, મોહમ્મદ વસીમ, જમાન ખાન. રિઝર્વ ખેલાડીઓઃ હસીબુલ્લાહ, અબરાર અહેમદ, ઉસામા મીર.
ત્રણ મેચોની શ્રેણીની પ્રથમ T20 આંતરરાષ્ટ્રીય મેચ 25 માર્ચે રમાશે જ્યારે બીજી મેચ 27 માર્ચે રમાશે. શ્રેણીની છેલ્લી T20 આંતરરાષ્ટ્રીય મેચ 29 માર્ચે રમાશે. ત્રણેય મેચ શારજાહ ક્રિકેટ સ્ટેડિયમમાં રમાશે.
