ચાલુ વર્ષે સામાન્યથી ઓછા વરસાદની શક્યતા

ચાલુ વર્ષે સામાન્ય કરતાં થોડા ઓછા વરસાદની શક્યતા છે. અમેરિકાની ખાનગી હવામાન એજન્સીના જણાવ્યા અનુસાર 2018ના બીજા અર્ધવાર્ષિક ગાળામાં અલ-નિનો વેધર પેટર્નની આશંકા છે. અલ-નિનોના કારણે એશિયાના ભાગોમાં ઓછા વરસાદ અને દક્ષિણ અમેરિકામાં સામાન્ય કરતાં વધુ વરસાદની શક્યતા છે. અન્ય કેટલીક હવામાન એજન્સીએ પણ અલ-નિનોની સંભાવનાની આગાહી કરી છે, પણ કેટલીક મોટી હવામાન એજન્સી અલ-નિનોની શક્યતા વધુ હોવાનું જણાવી રહી છે. ગયા વર્ષે ભારતમાં ચોમાસુ સરેરાશ કરતાં નીચું રહ્યું હતું. મધ્ય અને ઉત્તર ભારતનાં કેટલાંક કૃષિપ્રધાન રાજ્યોમાં વરસાદ સરેરાશ કરતાં નીચો રહ્યો હતો. ભારતમાં ચોમાસાની સીઝન જૂનથી સપ્ટેમ્બરના ગાળામાં હોય છે. સૂચિત ગાળામાં વરસાદ લાંબા ગાળાની સરેરાશના 95 ટકા રહ્યો હતો. ભારતીય હવામાન વિભાગ (IMD)એ 98 ટકા વરસાદની આગાહી કરી હતી. રેડિયન્ટ સોલ્યુશન્સના વરિષ્ઠ કૃષિ હવામાનશાસ્ત્રી કાઇલ ટેપલીએ જણાવ્યું હતું કે, ભારતમાં ચોમાસુ સામાન્ય કરતાં નબળું રહેવાની ધારણા છે. જેની સોયાબીન, મગફળી અને કપાસના પાક પર પ્રતિકૂળ અસર થશે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com