અાધુનીક યુગમાં પણ બેટી બચાવો અભિયાન ચલાવવું પડે જવાબદાર કોણ ???

અાજે સમગ્ર વિશ્વ મહિલા દિનની ઉજવણી કરી રહ્યો છે. વિશ્વ ફલક પર મહિલાઓ પ્રત્યેના વલણમાં થોડો ફેરફાર નોંધાયો છે અામ છતા હજુ પણ સમાજની કેટલીક માન્યતાઓકે પરંપરાઓને બદલી નથી શક્યા.અાજે પણ સમાજમાં બેટી બચાવો અભિયાન ચલાવવું પડે છે.

અાપણે હવે એકવીસમી સદીમાં પ્રવેશી ચુક્યા છીએ દેશ અને દુનિયા સાથે ગુજરાતની જનતાએ પણ નવી સદીના સપના જોયાં. 2000 વર્ષ પછીનું નવું ગુજરાત કેવું હશે તેના વિષે ચર્ચાઓ થઈ, લેખો લખાયા, સંશોધનો થયા.

વર્ષ 2001ની વસ્તીગણતરીએ સમાજ જીવનની એક ઘેરી કટોકટી ગુજરાતના બારણે ટકોરા દેતી સામે આવી.જે અાંકડાઓ સામે અાવ્યા તેણે અાપણી સામે અરીસો ધરી દીધો.વર્ષ 2001માં 0-6 વયજૂથનાં બાળકોમાં 1000 છોકરાઓએ 883 છોકરીઓ હતી. તેમાં નજીવો વધારો (886) 2011ની વસ્તી ગણતરીમાં નોંધાયો. અા સુધારો થતા અાપણે સૌ જાણે કે ગેલમાં અાવી ગયા અને અા અભિયાનને નજર અંદાજ કરવા લાગ્યા.

નીતિ આયોગના અહેવાલબાદ 17 વર્ષે વર્ષ 2001 બાદ ગુજરાત એકાએક સફાળુ જાગ્યું.ફેબ્રુઆરી 2018 માં દેશની એનડીએ સરકારે સ્થાપેલ નીતિ આયોગે “Healthy States, Progressive India” નામે અહેવાલ પ્રગટ કર્યો.અહેવાલમાં દેશની આરોગ્ય વિષયક પરિસ્થિતિનાં લેખાજોખા કરવામાં આવ્યા. તેમાં જાતિ પ્રમાણનાં ક્ષેત્રે ગુજરાત કેટલું અને કેવું પછાત છે તે સ્પષ્ટ થઈ ગયું.2011-13 અને 2014-16 નાં ટૂંકા ગાળામાં જન્મ સમયનાં જાતિ પ્રમાણમાં ૬૩ પોઈન્ટનો ઘટાડો થયો.એટલે એ સ્પષ્ટ થયું કે બેટી બચાવવામાં પ્રગતિને સ્થાને આપણે અધોગતિ પામ્યાં.

ગુજરાતમાં ઘટતી જતી બાળકીઓનાં કારણો શું છે એ વિષે સરકારે ઉચ્ચસ્તરિય કમિટી બનાવી તેની ગહન તપાસ કરવાનો સમય પાકી ગયો છે.એક સંતાન અને તેમાં પણ પુત્ર પ્રાપ્તિ બાદ પરિવાર નિયોજન કરતાં પરિવારોનું પ્રમાણ વધ્યું છે.પ્રથમ સંતાન પુત્ર જન્મે ત્યારબાદ દીકરી ના જન્મે એ માટે ભ્રૂણહત્યાનો માર્ગ ગુજરાતીઓએ સ્વીકાર્યો.

સમય પાકી ગયો છે કે અા મુદે ગંભીરતાથી વીચારવાનો.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com