હીરો બનવા માટે ગ્વાલિયર (મધ્યપ્રદેશ)થી મુંબઈ આવેલા કાર્તિક આર્યનને ઘરે નહોતું કહ્યું કે તે એક્ટર બનવા માંગે છે. તેના માતા-પિતા બંને ડોક્ટર હતા. કાર્તિક ભણવાના બહાને અહીં આવ્યો હતો અને બાયોટેકનોલોજીનો અભ્યાસ કરવા નવી મુંબઈની એક કોલેજમાં એડમિશન લીધું હતું. પરંતુ તેને ત્યાંથી ઘણી વાર દૂર ઓડિશન માટે અંધેરી આવવું પડતું. તેથી એક સમય એવો આવ્યો કે તેણે ઓડિશનની સગવડતા માટે ફ્લેટ બદલ્યો અને સંઘર્ષના દિવસોમાં એવી જગ્યા આવી કે જ્યાં 12 સંઘર્ષશીલ કલાકારો ઊંચા ભાડાને કારણે ફ્લેટ વહેંચતા હતા.
લક્ઝરી લાઈફના શોખીન
પ્યાર કા પંચનામાથી ઓળખ મળ્યા બાદ, કાર્તિક આર્યનએ લુકા છુપી, પતિ પત્ની ઔર વો અને ભૂલ ભુલૈયા 2 જેવી હિટ ફિલ્મો આપી. આગામી દિવસોમાં તેની ફ્રેડી, શહેજાદા, સત્યપ્રેમ કી કથા અને કેપ્ટન ઈન્ડિયા જેવી ફિલ્મો રિલીઝ થશે. આજે કાર્તિક આર્યન લક્ઝરી લાઈફ જીવે છે. આજે તેમનો જન્મદિવસ છે અને તેઓ 32 વર્ષના થયા છે. ઈન્ડસ્ટ્રીમાં કોઈની ઓળખ વગર આવેલા કાર્તિક આર્યનને ડાયરેક્ટર સુભાષ ઘાઈએ કાંચી ફિલ્મમાં હીરો બનાવ્યો હતો. આજે કાર્તિક દરેક ફિલ્મ માટે 4 થી 10 કરોડ રૂપિયા ચાર્જ કરે છે. જોકે, સમાચાર છે કે તેણે આગામી ફિલ્મ શહજાદા માટે 21 કરોડ રૂપિયા ફી લીધી છે.
કારનો કાફલો
મીડિયા રિપોર્ટ્સ અનુસાર, આજે કાર્તિક આર્યન પાસે લગભગ 40 કરોડ રૂપિયાની સંપત્તિ છે. જ્યારે તે એક વર્ષમાં સરેરાશ છ કરોડ રૂપિયાથી વધુ કમાય છે. કાર્તિકને સ્ટાઇલિશ જીવન જીવવું ગમે છે. સંઘર્ષના દિવસોમાં પણ જ્યારે તેની પાસે વધારે પૈસા નહોતા ત્યારે તે બધાની સાથે રહેતી વખતે ફ્લેટને સજાવી રાખતો હતો. કાર્તિકને કારનો શોખ છે. કહેવાય છે કે આજે તેની પાસે ચાર કાર છે. BMW 5 સિરીઝ (85 લાખ), મિની કૂપર એસ કન્વર્ટિબલ (40 લાખથી વધુ), લેમ્બોર્ગિની યુરસ કેપ્સ્યુલ (4.5 કરોડ) અને મેકલેરેન જીટી (4.7 કરોડ). ભૂલ ભૂલૈયા 2 ની જોરદાર સફળતા બાદ આ વર્ષે જૂનમાં ટી-સિરીઝના માલિક ભૂષણ કુમાર દ્વારા કાર્તિકને Mac Laren GT ભેટમાં આપવામાં આવ્યું હતું. તે સમયે ભારતમાં આ કાર માત્ર કાર્તિક પાસે હતી.
