કોમનવેલ્થ સીનિયર વેઇટલિફટીંગ ચેમ્પિયનશિપના મંગળવારના પહેલા દિવસે જ ભારતીય મહિલા વેઇટ લિફટર મીરાબાઇ ચાનુઍ ગોલ્ડ મેડલ જીતી લીધો હતો. ભારતીય ટુકડીઍ પહેલા દિવસે જ મીરાબાઇ ચાનુના ગોલ્ડ સહિત કુલ 8 ગોલ્ડ, 3 સિલ્વર અને 2 બ્રોન્ઝ સહિત 13 મેડલ જીત્યા હતા.
મીરાબાઇઍ મહિલાઓની 49 કિગ્રાની કેટેગરીમાં 84 પ્લસ 107 મળીને કુલ 191 કિલોગ્રામ વજન ઉંચક્યું હતું. આ ચેમ્પિયનશિપમાં મેળવેલા પોઇન્ટ 2020 ટોક્યો ઓલિમ્પિક્સના અંતિમ રેન્કિંગમાં ઘણાં ઉપયોગી પુરવાર થશે. મીરાબાઇ ઍપ્રિલમાં ચીનના નિંગબાઓમાં ઍશિયન ચેમ્પિનયશિપમાં 199 કિગ્રા વજન ઉઠાવ્યું હતું પણ નજીવા માર્જીનથી તે મેડલ જીતતા રહી ગઇ હતી.
ઓલિમ્પિક્સ 2020ની ક્વોલિફિકેશન પ્રક્રિયા 18 મહિનાની અંદર 6 ટુર્નામેન્ટમાં વેઇટલિફટરના પ્રદર્શન પર નિર્ભર છે. તેમાંથી 4 સર્વશ્રેષ્ઠ પરિણામોના આધારે તે નક્કી થાય છે. ચાનું ઉપરાંત ઝિલ્લી ડાલાબેહરાઍ 45 કિગ્રાની કેટેગરીમાં 154 કિગ્રા વજન ઉંચકીને ગોલ્ડ મેડલ જીત્યો હતો. સીનિયર 55 કિગ્રાની કેટેગરીમાં સોરોઇખાઇબામ બિંદિયા રાની અને મત્સા સંતોષીઍ અનુક્રમે ગોલ્ડ અને સિલ્વર મેડલ જીત્યો હતો. પુરૂષ વિભાગની 55 કિગ્રાની કેટેગરીમાં ઋષિકાંતા સિંહે ગોલ્ડ મેડલ જીત્યો હતો.
