તમારા કામના સમાચાર/ આ મહિનામાં વેચાવવા જઈ રહી છે આ બે મોટી બેંક, જોઈ લેજો તમારું તો Bank માં એકાઉન્ટ નથી ને?

0
73

Govt Bank Bank Privatization: ખાનગીકરણ પર ઝડપથી કામ ચાલી રહ્યું છે. ભૂતકાળમાં સરકારી કંપનીઓના ખાનગીકરણ બાદ હવે સરકાર બેંકોના ખાનગીકરણ પર કામ કરી રહી છે. સરકારના આ પગલાનો દેશભરમાં વિરોધ પણ થઈ રહ્યો છે. દરમિયાન સરકારે ઘણી કંપનીઓ માટે બિડ પણ આમંત્રિત કર્યા છે. જાહેર ક્ષેત્રની બેંકોના પ્રાઇવેટાઇજેશનની પ્રક્રિયા પણ ચાલી રહી છે. સપ્ટેમ્બરમાં જ પ્રાઇવેટાઇજેશન શરૂ થવાની ધારણા છે. તેના વિરોધમાં હડતાળ પણ થઈ રહી છે.

શોર્ટ લિસ્ટેડ થઈ બે સરકારી બેંકસરકાર બેન્કિંગ રેગ્યુલેશન એક્ટમાં સુધારો કરીને PSU બેંકો (PSB) માં વિદેશી માલિકી પર 20 ટકાની મર્યાદાને દૂર કરવા માટે તૈયાર છે. સૂત્રોના જણાવ્યા મુજબ બે જાહેર ક્ષેત્રની બેંકોને પણ શોર્ટલિસ્ટ કરવામાં આવી છે. મીડિયા રિપોર્ટ મુજબ બે સરકારી અધિકારીઓએ નામ ન આપવાની શરતે જણાવ્યું કે ટૂંક સમયમાં કેબિનેટ દ્વારા તેને મંજૂરી આપવામાં આવી શકે છે. સૂત્રોએ જણાવ્યું છે કે સરકાર સપ્ટેમ્બરમાં બેમાંથી ઓછામાં ઓછી એક બેંકનું પ્રાઇવેટાઇજેશન સુનિશ્ચિત કરવા માંગે છે.

ટૂંક સમયમાં જ આગળ વધવાની આશંકાસરકાર વતી જાહેર ક્ષેત્રની બેંકોના પ્રાઇવેટાઇજેશન (bank privatization 2022) પર ઝડપથી કામ કરવામાં આવી રહ્યું છે. આંતર-મંત્રાલય પરામર્શ પણ અંતિમ તબક્કામાં છે. ટૂંક સમયમાં તેને આગળ વધારવામાં આવશે તેવું અનુમાન લગાવવામાં આવી રહ્યું છે. કાયદાકીય પ્રક્રિયા પૂર્ણ થયા પછી ડિસઇન્વેસ્ટમેન્ટ પરના મંત્રીઓનું જૂથ ખાનગીકરણ માટે બેંકોના નામોને અંતિમ રૂપ આપશે. આ નાણાકીય વર્ષના અંત સુધીમાં બેંકના ખાનગીકરણને લગતી તમામ કામગીરી પૂર્ણ થઈ જશે.

શું છે સરકારની યોજના ?નાણા પ્રધાન નિર્મલા સીતારમણે 1 ફેબ્રુઆરી, 2022 ના રોજ નાણાકીય વર્ષ માટે બજેટ રજૂ કરતી વખતે IDBI સાથે બે સરકારી માલિકીની બેંકોના ખાનગીકરણની જાહેરાત કરી હતી. નીતિ આયોગે બે PSU બેંકોને ખાનગીકરણ માટે શોર્ટલિસ્ટ કરી છે. આ સાથે નાણામંત્રી નિર્મલા સીતારમણે જણાવ્યું હતું કે ચાલુ નાણાકીય વર્ષમાં વીમા કંપનીનું ખાનગીકરણ કરવાની પણ યોજના છે.

સમગ્ર મામલાની જાણકારી ધરાવતા એક અધિકારીનું કહેવું છે કે સેન્ટ્રલ બેંક ઓફ ઈન્ડિયા અને ઈન્ડિયન ઓવરસીઝ બેંકનું પ્રાઇવેટાઇજેશન થવાની અપેક્ષા છે. એટલે કે આ બંને બેંકોનું ખાનગીકરણ થવાની ધારણા છે.